შემწვარი კალმახი

მარტივი რეცეპტი

    ახალი, წითელწინწკლებიანი კალმახი გავასუფთაოთ, მოვაშოროთ ლაყუჩები, გავრეცხოთ ცივ წყალში, გავჭრათ სიგრძეზე, მოვაყაროთ მარილი. მუცელი ამოვუვსოთ უმი კვერცხით, კარაქით, კანგაცლილი, თხლად დაჭრილი ლიმონით და ახალი ტარხუნის ნაზავით. მუცელი დავუხუროთ, ზევიდან წავუსვათ არაჟანი და დავდოთ გაცხელებულ ცხიმიან ტაფაზე. როდესაც ორივე მხრიდან შეიწვება, მოვათავსოთ ლანგარზე და დავამშვენოთ ოხრახუშის ფოთლებით. სუფრაზე ცალკე მივიტანოთ ბროწეულის წვენი – შეზავებული ახალი ქინძითა და მარილით.

ნაზუქის დაშოთ-ლავაშის ცხობა

კურიოზი ლობიოს სუპთან დაკავშირებით.

                                          

   ლობიოს წვნიანი

175 გ ლობიო, 1 ცალი პატარა ტკბილი წიწაკა, 100 გ ნიახური, 100 გ სტაფილო, 1 ჩ.კ. მარილი, 0,5 ჩ.კ. ცხარე წიწაკა, 1 თავი ხახვი, 20 მლ ზეთი, 100-150 გ წითელი პამიდორი, 1 კონა ოხრახუში, 100 გ პური.

მოზადება: ლობიო რამდენიმე საათით ცივ წყალში დავალბოთ, შემდეგ გადავწუროთ, დავასხათ 1,5-2 ლ წყალი და 1,5-2 საათის განმავლობაში საშუალო ცეცხლზე ვხარშოთ. ლობიო მზად იქნება, როდესაც კარგად დარბილდება. წიწაკა დავჭრათ პატარა კუბებად, ასევე დავჭრათ ნიახური და სტაფილო, მოვათავსოთ წვნიანში, დავუმატოთ ცხარე წიწაკა და ვხარშოთ 20 წუთი. დავჭრათ და მოვშუშოთ ხახვი. ბლენდერში გავთქვიფოთ წვნიანის ბოსტნეულისა და ლობიოს ნახევარი მოშუშულ ხახვსა და ბულიონთან ერთად და ჩავაბრუნოთ ქვაბში. დავუმატოთ კანგაცლილი და წვრილად დაჭრილი პამიდორი, 2-3 წუთი ვადუღოთ და მოვაყაროთ დაჭრილი ოხრახუში. წვნიანს მიირთმევენ გახუხულ პურთან ერთად.

  კურიოზს რაც შეეხება, როდესაც მე პატარა ვიყავი, უკრაინაში ბიცოლამ გააკეთა ასეთი რეცეპტის სუპი, მე კი არ მომეწონა და ყველას ვუხსნიდი, რომ ეა სუპი შეცდომით არის დამზადებული და არ მივირთმევდი, სანამ ქართული რეცეპტით არ დავამზადებინე დედას და ბიცოლას ვუთხარი: აი, ასეთი უნდა გააკეთო ლობიოო.


ავტორი: ვალენტინა კულბიჩი.

ნაზუქების ცხობა

ნაზუქები

ნაზუქები

ლობიო და მისგან დამზადებული კერძები